Þessi mynd var tekin í góða veðrinu í dag og er engu líkara en eldgos sé hafið í Skrúðnum.Annað eins getur nú skeð.

Þetta er Snæhvammur í Breiðdal eins og hann leit út í kringum 1940 eða þar um bil.
Þegar ég rakst á þessa mynd í safninu mínu,fór ég að hugsa um allar sögurnar sem mamma sagði okkur krökkunum af ýmsum atburðum sem áttu sér stað í hennar æsku.
Á styrjaldarárunum kom oft fyrir að Þýskar flugvélar komu fljúgandi upp að ströndinni og gerðu usla á ýmsum stöðum,skjótandi á hitt og þetta og má nefna  Kambanesvita sem fékk vænar kúlnagusur yfir sig.
Eitt sinn kemur ein flugvél upp að Kambanesinu, flýgur hún inn með norðurfjallinu og stefnir á Snæhvammsbæinn,lækkar flugið og rennir sér rétt framhjá eins og þeir væru að athuga eitthvað og má vera að vindrafstöð sem var í byggingu hafi vakið áhuga þeirra.Mamma sagði mér að öll fjölskyldan hafi staðið lömuð af skelfingu úti á hlaði og beðið þess er verða vildi en skyndilega hækkar hún flugið, tekur stefnu á Breiðdalsvík og skýtur á Hamarshúsið eins og kunnugt er. Fólkið á bænum sagði oft í gamni seinna meir, að Doddi Móðurbóðir minn hefði bjargað því að ekki fór í verra,því skömmu áður hafði hann málað myndarlegan hakakross á skemmudyrnar sem blöstu trúlega við Þjóðverjunum þegar þeir flugu hjá.

Þarna er gamall Stöðfirðingur í fullu fjöri á veiðum út af Austfjörðum. Trausti ÍS,held ég hann heiti nú í dag.

 Áfram höldum við sjóleiðina og siglum framhjá  Skrúðnum, með Snæfuglinn í baksýn.
Myndin er tekin af Arnari Snæ um borð í Bjarti NK í byrjun þessa mánaðar.
Ég mun á næstunni koma upp albúmi með myndum sem Arnar hefur tekið á sínum sjómennskuferli en hann er ávalt með myndavélina á lofti þegar hann sér eitthvað áhugavert. Arnar er að fara sinn annan túr á togaranum Múlabergi frá Ólafsfirði sem 2.vélstjóri og líkar vistin vel.

 Í dag er fullgott veður til að hanga inni og blogga,betra að sitja við lækinn og sóla líkama og sálargreyið.

Þessi mynd er tekin um borð í Bjarti NK nokkrum dögum fyrir Sjómannadaginn af Arnari Snæ og spurt er um fjallahringinn.Hvaða fjöll sést í þarna?

Sjómenn.Til hamingju með daginn.

Þessi mynd er tekin í góðu veðri í Mars 2006. Spurning dagsins gæti verið:Hvaða kennileiti grillir í á þessari mynd?..

Þessi mynd þarfnast svo sem engra skýringa við en hún er tekin í sveitinni fyrir mánuði síðan þegar við hjónakornin vorum að ná okkur í nokkrar lerkihríslur.Fleiri myndir albúminu:Úr úmsum áttum.

Ég sé ekki fram á annað í ljósi vaxandi umræðu um slysatíðni í hestamennsku, að Íslenski hesturinn verði kominn með öryggisbelti og fallvarnarbúnað fyrir árslok.

Þetta er sennilega með fyrstu popphljómsveitum Stöðvarfjarðar en þessi mynd er tekin á góðum degi á lóðinni fyrir framan Ásbrún. Í fremstu röð eru,pabbi Nanna Jóns og Jonni í Ásbrún. Kjartan Guðjónsson stendur aftan til með konu sem ég kann ekki að nefna.

 Á svona dögum hellist yfir mann yfirnáttúruleg þörf til kynda grillið og hlaða á það stórsteikum og öðru fíneríi sem ég og gerði.Stóð ég úti á svölum í góða veðrinu,grillaði og naut þess að vera til.Ég sé fram á gott og snjólétt grillsumar.

Svona í tilefni dagsins sem er hálf kuldalegur birti ég þessa mynd, en mynd þessi er frá smábæ í Kanada,bæ sem ég ók daglega í gegnum til að komast í vinnuþjálfun.
Annars er mér vel heitt,er að ryksuga,þvo og bóna. Á bara eftir að fara út og strjúka af gluggarúðunum og gefa kettinum sem er hálf fúll þessa stundina,finnst illa vegið að heimilisfriðnum.