19.06.2009 14:04
Til hamingju með daginn.
18.06.2009 00:18
Jölulsárlón.
Ég veit ekki hvað ég er búinn að taka margar myndir af þessu náttúruvirki en í gegnum árin hefur maður stoppað þarna til að rétta úr sér og smellt af einni í leiðinni..
16.06.2009 17:38
Salthússmarkaðurinn.
Það er nóg um að vera í Salthúsinu.Þessi mynd er tekin í dag en þá var kökubasar í fullum gangi.
13.06.2009 13:59
Gönguleiðir.
Það er einstaklega skemmtilegt að ganga um Hafnarnesið og er það mikil uppáhaldsgönguleið hjá mér.Ég sá mér til ánægju að það var búið að merkja flestar húsatóftir með nöfnum sem voru á þeim húsum sem á þeim stóðu og er það vel.Mér fannst bara vanta hvaða fólk byggði og hafðist við í þessum húsum og einnig ætti að vera þarna skjöldur með sögu þessa byggðalags því þarna var þó nokkur byggðarkjarni og blómlegt mannlíf.
Fyrir mörgum árum var ég á ferð norður í landi og kom við í Kálfhamarsvík sem er staðsett rétt norðan við Skagaströnd og þar hafði staðið lítið þorp og allt merkt í bak og fyrir,tóftirnar skörtuðu steinum með lesningu sem greindi frá sögu hvers húss fyrir sig. Þess vegna fór ég nú að hugsa um þetta. Góðar stundir.
31.05.2009 22:12
Útskrift.
Laugardaginn 23 Maí var Arnar sonur okkar útskrifaður með pomp og pragt úr vélskólanum eða vélfræðideild Tækniskólans eins og það heitir í dag. Athöfnin fór fram í Háskólabíói og voru um 370 nemendur útskrifaðir. Þetta rann bara nokkuð ljúflega áfram enda höfðu forstöðumenn skólans vit á því að vera ekki að þreyta sjálfa sig og aðra með óþarfa ræðustögli og var þetta því hin besta stund Eftir athöfnina var gengið út í sólina og myndað í gríð og erg.
Fleiri myndir má skoða í myndaalbúmi hér á síðunni.
26.05.2009 12:45
26.Mai
Það er væntanlega kominn tími á að ný myndfærsla líti hér dagsins ljós en þessi er tekin við Mývatn seint í gærkvöldi í afar fallegu veðri, við hjónin nýkomin úr votviðrinu sem herjaði á Húnvetninga.
07.05.2009 14:02
Mývatn.
Til að minna okkur á að sumarið sé komið og setja okkur í ferðagírinn set ég inn mynd sem var tekin við Mývatn í fyrrasumar í frábæru veðri.Náttúran skartaði sínu fegursta en sólin faldi sig annað slagið sem var hið besta mál.
28.04.2009 13:04
Breyttir tímar.
Þessi mynd er tekin fyrir allmörgum árum, daginn fyrir sjómannadag þegar Andey su frá Breiðdalsvík var að koma úr góðri veiðiferð og lá inni á Stöðvarfirði meðan verið að vinna aflann úr síðasta halinu sem var víst allgott. Mig minnir að í þessum túr hafi skipið skákað öllum togaraflotanum og komið með mestu aflaverðmæti að landi í það skiptið. Skipstjóri var Einar Ásgeirsson. Þarna sést annar kappróðrarbátur Stöðfirðinga og róðrarsveit á æfingu greinilega boðið sér í kaffi og með því.
24.04.2009 12:59
Vorboðinn ljúfi..
gæti einhver kallað þetta fley en ég hef engu við að bæta og vísa alfarið í bloggfærslu Þóru Bjarkar í Vinaminnis-þönkum, þar hún lýsir skipakomunni í máli og myndum.Góðar stundir...
