Ég rakst á þessa skemmtilegu mynd um daginn af gamla kirkjustaðnum okkar, Stöð og finnst tilvalið að byrja árið með því að skella henni hér á skjáinn. Ég var lengi búinn að velta vöngum yfir því hvar sjálf kirkjan hafi staðið nákvæmlega en er nú öllu fróðari.Strákurinn litli á myndinni hefur trúlega ekki verið með það á hreinu hvað verið var að framkvæma þarna í túnfætinum en hvað um það,myndin er góð.

er óðum að klæðast jóladressinu og er þessu skotið út um austurgluggann hjá mér,kem kannski með eina frá vesturglugganum þegar vel viðrar.

er setning sem oft bregður fyrir í hefðbundnum jólasöngvum.Þessi stjarna sem þið sjáið á myndinni er líka nokkuð hefðbundið fyrirbæri en hún var fyrst sett upp á jólunum 1965 að ég held og hefur síðan sent geisla sína út í svartnættið
um hver jól.Stjarnan hefur skartað ýmsum litum í gegnum tíðina,oftast 3 litir í gangi en í nokkur ár var hún djúp-blá og er aldrei að vita nema hún verði græn næst,nei gleymum því,þetta er ágætt svona en það væri gaman að fá álit ykkar...

Þar sem ég missti af öllum uppákomum í sambandi við "myrka daga" ákvað ég að fremja eitt myrkraverk sjálfur
og kallast verkið:Skammdegisdraumurinn.Sjálfur var ég ekki í neinum þungum þönkum,  enda leggst þessi árstími að öllu jöfnu vel í mig  og maður fer að sinna einhverju allt öðru,einhverju sem maður lítur ekki við á sumrin enda fer allur sá tími í að slá blettinn og bjarga berjauppskerunni.

Tilvalið að skella einni morgunhanamynd á skjáinn svona í miðju skammdeginu. Það eru oft fallegir morgnarnir á þessum árstíma.

Þá er tími nagladekkjanna runnin upp og dekkjakallarnir standa kófsveittir inni á dekkjaverksvæðum og setja fimlega vetrardekkin á felgurnar, meðan viðskiptavinir bíða í nettum röðum fyrir utan.
Ég setti undir mig hausinn í morgun,braust niður í geymslu og fann vetrardekkin og smellti undir,engin biðröð nema kötturinn"Megas" sat rétt hjá og fylgdist með af athygli.
Sjálfsagt hefur honum verið hlátur í huga þó alvara væri í svip hans enda kunna kettir sig ávalt.Það passaði til,byrjaði að snjóa þegar ég var að herða síðasta boltann,lagði síðan af stað upp í Egilsstaði í ágætis færð en í bakaleiðinni var komið leiðinda slabb og ekki orð um það meir...

Þessari mynd stal ég af netinu rétt áðan og sýnir Hoffell SU á síldveiðum inni á Grundarfirði þann 21. Skipið kom síðan í fyrradag með 700 tonn til Fáskrúðsfjarðar.
Myndina tók Guðmundur Smári Guðmundsson.

Við Stína rifum okkur héðan úr rigningunni upp í Egilsstaði til ð ná í Arnar sem var að koma úr bænum í smá helgarleyfi.Þegar komið var uppeftir, blasti við þetta fallega sólsetur á vesturhimninum og ég sá mig tilneyddan að stoppa á flugvallarveginum, snara veðurmyndavélinni á loft og láta sólsetrið flæða inn um linsugatið.Það er oft fallegt á héraði og undanskil ég þá Breiðdalinn sem er einn fallegasti staður á landi þessu.

Myndir frá afmæli Solveigar Sigurjónsdóttur hér í nýju albúmi.Gjörið svo vel og kíkið.