Flettingar í dag: 407
Gestir í dag: 56
Flettingar í gær: 67
Gestir í gær: 37
Samtals flettingar: 133851
Samtals gestir: 7533
Tölur uppfærðar: 1.4.2023 12:37:26

07.03.2007 12:41

Út um gluggann minn




Þar sem sumarið er nú á næstu grösum,langar mig til að demba þessari mynd á skjáinn til að flýta aðeins vorkomunni sem allir eru farnir að horfa til býst ég við.Þessi mynd er tekin fyrir nokkrum árum
á gömlu konica vélina mína sem er nú í lamasessi vegna elli og töluverðrar brúkunar.Ég hafði gardínuna með vegna þess að mér þótti hún svo falleg og passa vel við þetta allt saman.

28.02.2007 23:33

Súlnasalurinn



 Ekki samt á hótel Sögu. Enda ekkert klám í gangi hér.

27.02.2007 23:13

Trúarhiti




Það er ekki að spyrja að trúrækni okkar Íslendinga hvar sem er og hvenær sem er.Það kom best í ljós í Kanadaferð okkar álversmanna sem lauk fyrir nokkrum dögum.Strax í byrjun fararinnar stakk sér niður í hópinn illskeytt flensa sem lék margan manninn nokkuð grátt,það grátt að nokkrir þeir sem sluppu við þennan vágest fóru í nærliggjandi kirkju og bænuðu nótt sem nýtan dag.Var legið á bæn dögum saman og stoppuðu þeir ekki upp til að neyta matar og drykkjar.Fólk í næstu húsum sá að við svo mátti ekki búa og færði það þeim mat reglulega og það þarf varla að taka það fram að allir komust til heilsu á ný vegna framtaks þessara ungu manna.

30.01.2007 22:22

Íþróttir

Ég var að komast að því rétt áðan sem mig hefur lengi grunað,íþróttamaður af guðs náð.Ég náði því að horfa á heilan handboltaleik án þess að depla auga og tókst að halda mér töluvert æstum allan tímann.Stökk einu sinni á fætur og var næstum búinn að slá rúðuna úr stofuglugganum þegar hálf mínuta var í leikslok.

28.01.2007 20:24

Wilson Muuga.



Arnar Snær tók sig til í gær og heimsótti Wilson Muuga á

strandstað  og tók þá þessar myndir.Myndir sem segja allt

sem segja þarf.

20.01.2007 17:07

Viðbót


Ég sagði frá því í pistlinum hér að neðan að fólkið í gamla bænum hefði hafst við í útihúsi eina nóttina.Ég hitti mömmu rétt áðan og sagði hún svo frá að rigningin hefði verið svo mikil að túnið umhverfis bæinn hefði litið út eins og stórfljót og drunurnar í fjöllunum óhugnalegar.Þessa nótt gekk mjög djúp lægð yfir landið og þessa sömu nótt fórst Franska rannsóknarskipið:Pourgoi-Pas við Mýrar í Borgarnesi.

20.01.2007 00:17

Snæhvammur



Þetta er Snæhvammur hinn eldri sem stóð nokkru innar og ofar en núverandi bær stendur, á svokölluðu Gamlatúni.Hús þetta byggði Jón Þórðarson bóndi faðir Sigurjóns sem tók síðar við búinu ásamt Elínu Vigfúsdóttur og bjuggu þau í húsinu fram til 1950 held ég en þá flutti fjölskyldan nýtt hús og var þetta þá rifið.Aðal ástæðan fyrir flutningi bæjarins,voru tíð skriðuföll og kom það fyrir eina nóttina að fjölskyldan hafðist við í útihúsi vegna hamagangs í fjallshlíðinni og fór þá stór hluti af túninu undir aur og grjót.
Þessa mynd teiknaði Solveig móðir mín með miklum sóma.

18.01.2007 21:09

Afmæli.



Þessi ungi maður hér á myndinni er Arnar Snær og heldur upp á í dag, sitt tuttugusta og annað aldursár.

14.01.2007 13:46

Janúarmorgunn

Vaknaði í morgun nokkuð hress(hádegi)og sá þetta líka dúndur veður,nýfallinn snjór, birta og friður yfir öllu.
Skundaði út með kústinn góða og gerði hreint fyrir mínum dyrum.Vinur SU fékk líka sitt dust en súbbinn og sumarvagninn fá að bíða,enda ekki komið sumar enn og engin blóm í haga en smáfuglarnir sem við megum ekki gleyma,eru alltaf til staðar og þurfa eitthvað í gogginn sinn.Ég ætti nú að vera löngu kominn út á röltið í staðinn fyrir að hanga hér yfir tölvunni og hjala út í eitt en það stendur nú til bóta og umframt allt,munið eftir smáfuglunum.

07.01.2007 02:04

Stöðfirsk fiskiskip



Það bættust við tvær góðar myndir í skipaalbúmið frá Magnúsi Þorvaldssyni ef þið viljið kíkja.
Ég veit að vísu ekki hver tók þessa mynd af Danska Heimi.
Það vantar mörg skip í þetta safn mitt og væri það vel þegið ef einhver lumar á góðri mynd.


04.01.2007 22:35

Áramótaheit

Á þessu ári ætla ég ávalt að haga mér skikkanlega.
Rjúka framúr og vera búinn að laga kaffið áður en vekjarinn byrjar að gaula.
Færa konunni kaffi í rúmið.
Skrifa fræðibók upp á 356 blaðsíður um lífríki Steðjatjarna og nágrennis.
Gera 36 armlyftur daglega að aflokinni vinnu.
Fremja eitthvað ólöglegt á balanum.
Gera kvikmynd um lífshlaup Jóhannesar á Syðrivöllum í Rauðadal.
Þess á milli kaffi og koniakstaup.
Og þess á milli ætla ég að gera ekki neitt.
Takk.



02.01.2007 00:34

Nefndin



Hjónaballsnefnd fyrir árið 2007.Skál fyrir þeim.

31.12.2006 13:00

Árið

Gleðilegt nýtt ár og þökk fyrir gamla árið.

24.12.2006 16:19

Gleðileg jól



Kæru lesendur.

Óskum ykkur öllum gleðilegra jóla og gæfu á komandi ári.
  Sigurjón Kristín og Arnar.

clockhere