Ég er ekki enn búinn að ná því hvernig það er að stunda tímavinnu daginn út og daginn inn eftir að hafa verið á sjónum meira og minna í 20 ár sem mér finnst nú bara orðið nokkuð góður tími.
Það var skrítin tilfinning fyrsta daginn að fara að vinna í rafmagni kl 8 og aka svo heim til sín um kvöldið
og hafa þann tíma bara fyrir sig og fjölskylduna.Úti á hafinu myndi maður göslast í sína koju,láta sér líða í brjóst
í smá tíma þangað til kokkurinn kveikir öll ljós og býður manni að matast.
Ég mun trúlega á næstunni koma með einhverjar frásagnir sem tengjast sjónum og myndir munu fylgja í kjölfarið. Það er ekki logið á þessa veðurfræðinga sem spáðu rigningu,sólin kemur upp með það sama.
                                                                       

Ég gleymdi að geta þess að nafnið á slóðinni er komið til af hreinni samúð í garð ofangreindrar reikistjörnu sem missti titilinn :reikistjarna og er nú bara einhver óhamingjusamur klettur á sveimi úti í hinum dimma alheimi.

Ég setti inn nokkrar myndir til að sýna breytingarnar á mínu gamla og góða húsi.Þetta er í annað sinn sem ég tek þátt í því að klæða kofann því að seint á áttunda áratug síðustu aldar stóðu þeir Kjartan og Friðrik þarna við
austurstafninn í fimbulkulda ásamt okkur Garðari og létu hamarshöggin dynja á húsinu.

Þetta er ný síða sem nú er að fæðast og er ætlað að sýna hvað ég hef fram að færa í máli og myndum.