Þessa dagana stendur yfir námskeið í vinnslu á hornum og beinum. .Eg kíkti þarna inn ídag og ríkir góður andi þarna inni í gamla kaupfélaginu.

 Myndir má nálgast í albúmi....

Það sem af er nýju ári hefur dumbungur og rigning verið í aðalhlutverki og staðið sig með sóma hvað það varðar.

 Hversu skemmtilegt sem það er nú svona til lengdar þá hefur Saxan staðið sig vel og hefur hún sýnt allar sínar bestu hliðar, gosið all hressilega undanfarna daga með tilheyrandi þaraaustri og látum. Er þetta tilkomumikil sjón fyrir þá sem eiga leið þarna hjá. Myndina tók Anna María Sveinsdóttir og er myndin birt með góðfúslegu leyfi hennar...

Það gekk á með rigningaskúrum þegar við hjónin stöldruðum við síðast á þessum skemmtilega stað og alltaf smellir maður af mynd í hvert skipti sem maður stoppar þarna og eru þær orðnar ófáar myndirnar. Gaman væri að skella þeim saman í albúm seinna meir...

Þessi mynd er tekin í síðustu gönguferð sem ég fór í á dögunum og varð Stöðvardalur fyrir valinu í þetta sinn sem og oft áður enda paradís sem mætir manni þegar yfir Þverá er komið.

Þegar innar var komið var ég laus við kuldanepjuna sem stóð inn fjörðinn og öllu sló í blankalogn og gæsirnar létu í sér heyra en ég steinþagði.  Fleiri myndir eru í albúmi....

Ljósm. Arnar Snær.

..Gæti þessi mynd heitið en þarna eru þeir heiðursmennirnir,Séra Kristinn í Eydölum og Sigurjón í Snæhvammi afi minn og er myndin tekin fyrir utan Snæhvamm. Með þeim á myndinni er Guðríður dóttir Kristins. Þessi mynd er stolin úr safni Herborgar frænku minnar sem vonandi fyrirgefur mér þennan stuld.

Þessa mynd tók Kristmundur Þorleifsson á miðunum fyrir nokkrum dögum og er þetta ein af mörgum úr frábæru myndasafni hans.