Þá heldur nú Þorrinn innreið sína með öllu sínu fylgdarliði sem samanstendur af súrum pungum og öllu því góðmeti sem rennur ofaní landslýð ásamt brennivíni og öðrum skemmtilegheitum en myndirnar hér eru reyndar ekki teknar á þorrablóti, eru bara svo þorralegar

Heldur uppi í Klifbotnum með myndavél eina að vopni en hefði komið heim með 7 rjúpur hefði ég haft með mér gamla hólkinn hans föður míns, þ e a s hefði ég hitt en ferðin þangað uppeftir var fín í alla staði hjá okkur feðgum sem röltum þetta saman.

Ljósm. Snæhvammsmyndir.

Ég ætla nú ekki að hafa nein orð um þetta skip enda þekkja það allir,langaði bara að birta þessa mynd sem rak á fjörur mínar ásamt myndarlegum bunka af skipamyndum. Ljósm. Snorri Snorrason.

Þessi mynd er tekin um borð í Ljósafellinu nú á dögunum og er birt hér með góðfúslegu leyfi Ljósafellsmanna.

Þessi bátur var algeng sjón hér á staðnum hér á árum áður en þessi mynd er tekin í kringum 1967 eða sama árið og Heimir SU  lagðist hér að bryggju í fyrsta sinn. Þessi þótti nokkuð flottur á sínum tíma en hann var yfirbyggður að hálfu leiti á meðan íslenski síldveiðiflotinn var að mestu leiti bara með eitt dekk.Þetta er að mörgu leiti skemmtileg mynd,gamla beinamjölshúsið stendur þarna enn og enginn varnargarður er kominn utan við gömlu bryggjuna sem fór reglulega í kaf í miklum flóðum og sjógangi sem fylgdi með í kaupæti. Myndin er fengin að láni hjá Björgvin Val Guðmundssyni.

Hér kemur mynd af Heimi SU(mið Heimi) sem er tekin stuttu áður en hann var seldur til Hnífsdals. Þarna er báturinn að leggja af stað til Reykjavíkur í slipp í einhverja yfirhalningu. Myndin er úr safni Snæhvammsmynda sem ég fékk hjá Herborgu frænku og  trúlega tekin af Dodda í Snæhvammi.. 

Hér kemur mynd úr safni Herborgar Þórðardóttur,af Verði su en þarna hefur einhver smemmtiferð verið í gangi. Trúlega hefur verið dansleikur í einhverju plássinu og verið að ferja fólkið þangað.Ekki veit ég hvaða fólk prýðir stýrishúsið og þilfarið en gaman væri ef einhver þekkti þessi andlit...

Þá er bara að koma með  drottninguna óbjagaða í þetta sinn.....

Hvaða skip speglast svona í haffletinum? Engin verðlaun í boði.

Þeir sem hafa einhvern áhuga á pallasmíði geta kíkt inn á albúmið:Pallurinn okkar.Þar gefur að líta vörpulega menn sem eru ákveðnir í að koma saman palli sem hægt er að feta sig uppá án þess að eiga von á því að hann hrynji undir manni en þetta hef ég verið að dunda við undanfarna daga ásamt Reyni Bárðarsyni sem hefur nú verið potturinn og pannan í þessum framkvæmdum og er þaulreyndur smiður.Án hans hefði ég staðið með hamarinn í höndunum og ekkert vitað hvar ég ætti að byrja eða enda. Smíðin tók 6 daga næstum eins og segir í sköpunarsögunni og við hvíldum okkur á 7. degi og held ég að skaparinn hafi verið þokkalega sáttur við okkur því hann hélt veðrinu ágætlega mildu og fínu þó alltaf væri verið að spá einhverjum norðaustan rudda sem lítið varð úr.

Þó komu nokkrir skúrir einn daginn sem var kærkomið því þá sáum við ástæðu til að læðast í skjól og slóra svolítið yfir kaffibolla og sætabrauði, rukum síðan orkumiklir út aftur og unnum á tvöföldum hraða á meðan sykurinn og koffínið var að rjúka úr okkur.Næst á dagskránni er hvíld og aftur hvíld þar til sumarfríið er búið. Eigið góðar stundir.

Þessi mynd er tekin á  ættarmóti sem átti sér stað um síðustu helgi. Ekki komu eins margir og ætlað var en mótið tókst vel  í alla staði og sólin skein yfir allt saman. Þó hefðum við getað verið fleiri því ýmsar rollur þóttust eiga brýnt erindi inn á svæðið en var ávalt vísað frá. Töluvert af túristum renndi í hlaðið því þeir töldu að þetta væri opinbert tjaldstæði er þeir sáu kamarinn góða sem stóð á áberandi stað til hægðarauka fyrir ættarmótsgesti en þeim var líka vinsamlega vísað frá og bent á frábæra aðstöðu bæði á Stöðvarfirði og Breiðdalsvík.......