Þessi mynd er tekin um páskana og sýnir innbæinn í allri sinni dýrð og ekki skemmir Hellufjallið sem trónir þarna og fer aldrei neitt, sem betur fer. LJÓSM: Arnar Snær.

 

Þetta er nú bara smá tilraun til að koma inn mynd hér á síðuna en það hefur ekkert gengið hingað til fyrr en í dag. Þessi mynd er tekin fyrir nokkrum árum,nýbúið að draga fánann að húni uppi á Hól,einhver átt afmæli eða bara verið að fagna sumarkomunni það árið, hver veit.

                                                                                           
                                                                                                                   










Hér fyrir ofan átti að vera mynd sem ég tók úti í góða veðrinu í dag en vegna þess að verið er að uppfæra 123 kerfið er allt í rugli og myndin verður bara að bíða betri tíma. Einnig sýnist mér myndaalbúmin hálf rugluð, fiskiskipin Stöðfirsku komin út um allan sjó og ekkert hægt að raða upp á nýtt en svona er þetta og enginn heimsendir það. Hafið það sem allra best.

er tekin fyrir nokkrum dögum er Arnar var á röltinu niður við höfn í vorblíðunni.

Sumarið 1996 var Kambaröstinnni haldið út til karfaveiða á" Hryggnum" svokallaða suðvestur af Reykjanesi og var lagt upp á Grundarfirði þar aflanum var landað í gáma. Eitthvað fiskaðist illa einn túrinn og var veiðarfærinu kennt um sem var nú hálfgerður garmur og var gripið til þess ráðs að síma í land og panta annað í hvelli. Hringur SH var að leggja af stað frá Grundarfirði á sömu slóðir og kom með nýtt stykki flottroll,slakaði endanum í sjóinn sem við náðum inn á spil og átti síðan að spóla inn með hraði. Þetta troll var aldrei notað því í miðjum flutningum fékk Hringur draslið í skrúfuna og þannig ráku skipin samhliða góðan part úr degi þar til náðist að losa úr skrúfunni og nýja veiðarfærinu pakkað saman til frekari geymslu um borð í rauða skipinu.Myndin er tekin þegar verið er að losa úr skrúfunni á Hring.

Þessi mynd er fengin úr safni Rafns Svanssonar, tekin 1973 er  Hvalbakur kom til hafnar í fyrsta sinn. Pabbi og Svanur Sigurðsson eru kapparnir sem sjást þarna. Úti á firði er verið að tolla skipið.

Þessi var að renna framhjá í dag á leið til Fáskrúðsfjarðar að færa þeim björg í bú  er ég stóð á gráthólnum góða og góndi til hafs. Mér var samt enginn grátur í hug,enda veðrið með eindæmum fallegt og allar fleytur á leið til lands,svínfullar af hafsins gulli og gersemum.Ég læt ykkur um að geta til um nafnið á skipinu,hef enga hugmynd um það sjálfur.

Skrapp í bíltúr núna rétt áðan í góða veðrinu með Kodakinn og náði þessari úti á Kambanesi ásamt fleiri myndum sem ég á eftir að koma í albúm seinna meir. Mér fannst grátlegt að hafa ekki myndavél með góðri linsu,hefði náð góðri mynd af loðnuskipinu sem silaðist þarna framhjá á leið austureftir en það verður ekki á allt kosið.

Það eru Norskir dagar hér á síðunni hjá mér og sýnir skip sem landaði kolmunna á Fáskrúðsfirði þann 13. Spurning hvort Franskir dagar verði ekki aflagðir eftir þessa vertíð og horft til Noregs í staðinn.......

Þessa Norsku glæsifleytu sá ég rétt áðan inni á Fáskrúðsfirði þegar ég ók þar í gegn frá vinnu minni.Eitt af mörgum sem prýðir bryggjukantinn þar á bæ þessa dagana.

Það er trúa mín að þegar þessu kuldakasti lýkur,muni sólin bræða þennan snjó sem hlaðist hefur upp hægt og rólega,jörðin komi iðjagræn undan vetri.Ég er alla vega búinn að ákveða þessi ósköp og því verður ekki breytt úr þessu nema síður sé.
Þessi berjabrekkumynd var tekin fyrir nokkrum árum og spurt er:Hvar er þessi mynd tekin?

Nú er það dökkt maður,allt orðið hvítt.Þvílík himnasæla sem mætti manni þegar ég skreið fram úr í gærmorgun og ætlaði að taka veðrið í leiðinni.

Þessi sýn blasti oftast við manni þegar haldið var á fjöll í skautaleiðangur þar sem endastöðin var oftast Tjarnadalur eða Háihnaus þegar um stuttar ferðir var að ræða.Þessi mynd er tekin í fimbulkulda fyrir nokkrum dögum.Set fleiri svona í albúm þegar ég hef nennu til en þangað til,hafið það gott.

Þessi myndarlegi maður sem er þarna að bletta þakið heima hjá sér,á 23gja ára afmæli í dag og sendum við foreldrarnir  okkar bestu kveðjur í tilefni dagsins.