Svona var útsýnið af svölunum hjá mér í dag,laufin farin að gulna á trjánum og Auður Vésteins(líklega) kemur smekkfull af gulli hafsins til löndunar.

Þessi mynd er tekin einhverstaðar í kringum 1990 og sýnir smábátahöfnina sem prýddi þetta sjávarpláss á þeim tíma.Arnar Snær stendur þarna vaktina við bát afa síns og fyrir aftan hann er Stjarnan, bátur Lúlla,Mardís hans Bigga og trúlega Gunnar sem Kjartan Vilbergs átti,Hrappur,bátur Guðna og Sæbjörgin hans Kristmanns er þarna á endanum og fleiri sem ég kann illa skil á,læt ykkur lesendur góðir geta í eyðurnar.

Ljósakvöldið hjá Petru í Steinasafninu var vel heppnað. Fjöldi manns mætti á staðinn og veðrið var eins og best er hægt að hugsa sé það.Myndir er að finna í nýju albúmi hér á síðunni.

Ég varð nú að smella einni á Drangey og kellingunni sem stendur enn þó kallinn sé fallinn en hann hrundi niður fyrir einhverjum árum.

Þessi er tekin á Sigló fyrir stuttu og þetta er fjallið sem fólk rekur augun einna fyrst í þegar það heimsækir fjörðinn enda fallegt og mikið á að horfa.Ég held að það heiti, Hólshyrna(gleymdi að spyrja þegar ég var þarna) en leiðréttið mig ef ég fer rangt með.

Þessa mynd tók ég fyrir nokkrum dögum þegar við hjónakornin gistum á tjaldsvæðinu sem er nokkra metra frá smábátahöfninni á Siglufirði.Við vorum þarna í 2 daga og fengum alveg glampandi sól allan þann tíma sem við stoppuðum þarna. Hittum aðeins á Arnar sem er á Múlaberginu en skipið kom til löndunar fyrri morguninn okkar þarna og fór út um kvöldið. Efri myndin sýnir skipið þar sem það er að leggja af stað á miðin.

Það var gaman að labba um Dalvíkur bæ og kíkja á iðandi mannlífið og sérstaka aðdáun mína vakti þessi snotri ferðabíll sem stóð þarna á planinu og baðaði sig í athygli..

Þetta er eitt af þeim fallegu húsum sem Seyðfirðingar geta státað af.

Úr veðurstofu fréttir bárust mér, um hamfarir miklar í veðri þar og hér.

Það er helst að frétta af Sunnuhvolsliðinu að það stendur í ströngu við að laga norðurvegginn en hluti af gömlu klæðningunni fauk síðastliðinn vetur og þá var ekki aftur snúið,sú gamla rifin alveg af og og byrjað er að byggja vinnupalla þegar þetta er skrifað.Það hafa glumið við hamarshögg úr öllum áttum enda mikið um framkvæmdir.Hrafn að endurnýja klæðningu á sínu húsi og Garðar og Björgvin hafa nýlega lagt lokahönd á sólstofu hins fyrrnefnda svo eitthvað sé nefnt og undir ómar söngur sláttuvélanna úr ýmsum áttum.

Svona leit himininn yfir Steðjanum út kl 2 í fyrrinótt þegar ég kíkti út til að taka morgundaginn.