Þessi mynd er tekin úti á Bæjarstöðum í heyskapartíðinni þegar fullorðna fólkið stóð við slátt og rakstur en börnin léku fyrirsætur, enda eru þær þó nokkrar myndirnar sem til eru frá þessu sumri og verða kannski birtar seinna þegar vel viðrar.

Það er tilvalið að hafa með sér kodakinn þegar farið er með bílinn í dekkjaviðgerð og smella af einni og einni mynd meðan beðið er, enda Breiðdalurinn með fallegri stöðum sem stoppað er á....

Lenti út á Álftanes fyrir stuttu og við mér blasti þessi fallega sjón sem hefur orðið sumum skáldum að yrkisefni.Þegar þessi mynd var tekin var vetrargarri fyrir austan og norðan,hálka á vegum og allt sem því fylgir.

Þessi mynd er tekin um síðustu jól og sýnir þá systkinasynina,Kára Snæ, Arnar Snæ og Hilmar Örn í jólaskapi.Ég rakst á þessa mynd núna rétt áðan og fannst tilvalið að skella þeim frændum á skjáinn enda bráðhuggulegir menn.

Þetta er elsku pabbi minn Jóhannes Sölvi sem lést 30.apríl.blessuð sé minning hans

Njóttu augnabliksins,því það kemur aldrei aftur.

Það var einhver að biðja um getraun um daginn og hér er hún komin.Hvað heitir staðurinn og í hvaða skáldverki kemur þessi staður meira og minna fyrir?

Ljósm:Arnar Snær.

Svona var umhorfs í kringum Fögruhlíð þegar við hjónin kíktum þar við í dag,allt í kafi og ansi vetrarlegt en veðrið með eindæmum gott og fallegt.

Það var fallegt að horfa út á Breiðdalsflóann í dag enda veðrið í toppformi og verður væntanlega næstu daga. Fleiri myndir komnar inn í albúmið: Vetrarmyndir.

Í gær voru liðin 20 ár frá því að leiksólinn Balaborg hóf  starfsemi sína og var í tilefni af því  opið hús þar gestir og gangandi komu og gæddu sér á ýmsu góðgæti sem foreldrafélagið stóð að með miklum sóma. Þeir félagar ,Karíus og Baktus voru sérstakir heiðursgestir og var þeim vel tekið.